الاثنين، 18 نوفمبر 2013

طريقة رسم الحواجب .. How to do your eyebrows

السلام عليكم ورحمة الله وبركاتة ..



اليوم بتكلم عن الحواجب ! كثير بنات اذا شافوني سألوني عن طريقة رسم حواجبي *مره اكون مبسوطه* ..


طبعا اعرف اكثر من مدونة تكلمت عن هذا الموضوع و اكثر من مقاطع فيديو في اليوتيوب تكلموا عن الحواجب ..

انا طريقتي غير .. مااحب اتفلسف كثير برسم الحواجب ..

                 لـ سببين !

اولاً : انا اقدر شي اسمه شكل طبيعي .

ثانياً : احب الشيء السريع و الحلو بنفس الوقت .. يمكن اوقات مافيه شي حلو و سريع مع بعض بس بالحواجب صدقوني فيه وهذا رأيي الشخصي طبعا .


ايش تحتاجين لرسم حواجبك ؟ 

1- فرشاة حواجب طبعا المشطوفه .. *مثل مايقولون*  



اخذتها من سينما في حياة مول الدور الثاني - سعرها *مااتذكر بالتحديد * : بين الـ 20 و 30 ريال ..




2- بودرة حواجب بودي شوب * تقريبا اغلب المدونات تتكلم عن هذي البودرة* انا احب اخذ الاسود والبني طبعا فيه الوان ثانيه , بس انا اخذتها لـ سبب راح اذكره وانا اشرح طريقة رسم الحواجب ..



3- بودرة حواجب لونها رمادي ! شي غريب بس صدقوني اذا اتقـنتوا الطريقه راح تكون حواجبكم حلوه و مرتبه و طبيعيه , 
طبعا هو يستخدم كظل للعيون بس انا استخدمه للحواجب لان لونه خفيف ولانه ينفع للحواجب .. ودائما اقول * الظل مو بس للعيون !, لان فيه ناس تستخدم الارواج كـ حمرة خدود ! .. يعني مافيه قاعده تقول الظل للعيون والروج للشفايف و بس * 


هذي البودرة بصراحه او هذا اللون بالذات لقيته بالصدفه طبعا اكيد اذا خلص راح ارجع اشتريه و تلاحظون اني استخدمه بضمير اخذته من VIPERA COSMETICS تلقونه في بانوراما ..السعر *برضو مااتذكر بالتحديد* : مايتعدى ال50 ريال ..  رقمه 220


الطريقة :

طبعا بعد ماتمشطين حواجبك .. تاخذين شوي من بودرة بودي شوب الاسود و تحددين حواجبك من تحت و فوق *من نص الحاجب يبدأ التحديد* .. طبعا اغلب الي قريت في المدونات و اليوتيوب يستخدمون قلم حواجب *انا واقلام الحواجب بيننا عداوه* مااقدر احبها ابدا احسها مصطنعه مهما يكون لون القلم خفيف ! علشان كذا اخذ اللون الاسود و البني لان الاسود غامق واستخدمه للتحديد .

- كيف تحددين حواجبك ؟ 
على نفس حجمها و شكلها انتبهي تزيدين او تنقصين علشان مايطلع شكلها غلط ..الا في حالة انك تعرفين كيف تخلين اشكالهم قريبه لبعض طبعا مستحيل يكونون نسخه من بعض بس التقريب حلو ..

بعد التحديد تاخذين من البودرة الي لونها رمادي و تبدين تعبين الفراغات الي بنص الحاجب .. لان انتي حددتي بس باللون الاسود الي هو من بودي شوب .. فـ لازم الحين نعبي الفراغات .. واذا وصلتِ لـ بداية الحاجب انتبهي ترسمينها بقوه ! يعني شي خفيف وبنفس الوقت طبيعي و حلو ..


و خلاص بكذا تكون حواجبك حلوه و مرتبه و اهم شي طبيعيه ..


بالنسبه للسبب الي يخليني احب الشكل الطبيعي لان حواجبي كثيفه و مااعتبره سبب بصراحه لان اي شي طبيعي اكيد حلو ..





^ احب هذي الحواجب طبعا حواجبي من قدام مثل حواجبها بالضبط .. علشان كذا دائما اقول الطبيعيه احلى لان لو ارسم على هذي الحواجب بالقلم راح تطلع كارثه بوجهي ..




^ لو تلاحظون مكثفه البودره من قدام علشان كذا قلت في الشرح انتبهي وانتي ترسمين حواجبك من قدام .. اذا ثقلتي البودره من بداية الحواجب راح يطلع شكلك غلط .. 




كتبت و شرحت الي اقدر عليه .. اتمنى اذا فيه اسئله تكتبونها لي .. راح اكون مبسوطه اذا ساعدت لو شخص واحد ..


لاتنسون... *  الحواجب اخوات وليس توأم ! *


 .Best regards

ليست هناك تعليقات: